Thursday, September 27, 2007

ಅರಮನೆ ನಾನೂ ಕಂಡೆ!


ವಸುಧೇಂದ್ರ ಕನ್ನಡಕ್ಕೆ ತಂದ ತೆಲುಗು ಕತೆ `ಮಿಥುನ'ವನ್ನು ಎರಡು ವಾರಗಳ ಹಿಂದೆ ಮೈಸೂರಿನಲ್ಲಿ ಕೆಲ ಕಾಲೇಜು ಹುಡುಗಿಯರು ನಾಟಕ ಮಾಡಿದರು. ಆ ಚೆಂದದ ನಾಟಕವನ್ನು ನೋಡಿಕೊಂಡು ಬೆಂಗಳೂರಿಗೆ ಮರಳಿ ಹೊರಟಾಗ ಸಂಜೆ ಏಳಾಗುತ್ತಾ ಬಂದಿತ್ತು. ಅಕಸ್ಮಾತ್ ದಾರಿಯಲ್ಲಿ ಸಿಗುವ ಗೆಳೆಯನಂತೆ ಆಗ ಕಣ್ಣಿಗೆ ಬಿದ್ದ ಅರಮನೆ ಎಂದಿನದಲ್ಲದ ಬೆಡಗಿನಿಂದ ಕಣ್ಸೆಳೆಯಿತು. ಬೃಹತ್ ನಾಟಕದ ಸೆಟ್ಟಿನಂತೆ ದೀಪದ ಬೆಳಕಿನಲ್ಲಿ ಹೊಳೆಯುತ್ತಿದ್ದ ಅರಮನೆಗೆ ಅಲೌಕಿಕತೆಯನ್ನು ದಯಪಾಲಿಸಿದ್ದು ಹಿನ್ನೆಲೆಗಿದ್ದ ವಿಚಿತ್ರ ವಿನ್ಯಾಸದ ಆಗಸವೇ ಇರಬೇಕು. ಕ್ಯಾಮರಾದಲ್ಲೆಲ್ಲಾ ಸೆರೆ ಸಿಗುವಂಥದಲ್ಲ ಈ ಮಾಯೆ ಅನಿಸಿದರೂ ಒಂದಷ್ಟು ಚಿತ್ರ ತೆಗೆದೆ. ಆಯ್ದ ಎರಡು ನಿಮಗೆ.

No comments:

~~~~~~ಮೀ ನ ಹೆ ಜ್ಜೆ