Thursday, November 15, 2007

ಮದ್ಯಸಾರ- ಆರು


ಕುಡುಕನ ಮಾತಿವು ಏನು ಕೇಳುವಿರಿ
ವಚನದ ಸಾಲಲ್ಲ, ವಾಚನವೂ ಸರಿ ಇಲ್ಲ
ದಾಸರ ಪದವಲ್ಲ, ಉದಾಸರ ಪದವೆ ಎಲ್ಲ
ಭಜನೆ ತರಹದವಲ್ಲ, ವಿಭಜನೆ ವಿರಹದವು


*
ಹೆಂಡತಿಗೆ ಹೊಡೆಯುತ್ತೇವೆಂಬುದು ಹಸೀ ಸುಳ್ಳು
ದುಃಖವಾದಾಗ ಒಂದಿಷ್ಟು ಎಣ್ಣೆ ಹೊಡೆಯುವುದು ನಿಜ
ಪುಕಾರು ಮಾಡುವಿರೇಕೆ ನಡತೆ ಸರಿ ಇಲ್ಲೆಂದು
ಕುಡಿದಾಗ ಒಂದಿಷ್ಟು ಹೆಜ್ಜೆ ತಪ್ಪುವುದು ನಿಜ


*
ಮದ್ಯದ ಸೆಷನ್ನು ಯಾವತ್ತೂ ಅಪೂರ್ಣವೇ
ಮಧ್ಯದಲ್ಲೇ ಏಳಬೇಕು ತುಂಬಿದ್ದರೂ ಬಟ್ಟಲು
'ಕ್ವಾರ್ಟರ್' ಫೈನಲ್ಲೇ ಇಲ್ಲಿ ಕೊನೆಯ ರೌಂಡು
ಮುಗಿಸಲೇಬೇಕೀಗ ಸೇಫಾಗಿ ಮುಟ್ಟಲು


*
ಗುಂಡು ಹಾಕುವುದು ತಪ್ಪು
ಎಣ್ಣೆ ಹೊಡೆಯುವುದು ತಪ್ಪು
ಡ್ರಿಂಕ್ಸ್‌ ಮಾಡುವುದು ತಪ್ಪು
ನೈಂಟಿ ತಗಳುವುದು ತಪ್ಪು
ಮದ್ಯವನ್ನು ಕುಡಿಯುವುದೇ ಸರಿ!


*
ಒಂಟಿ ಬಾಳನೂ ಸವೆಸಿಬಿಡಬಹುದು
ತಪಿಸಲೊಂದು ಸಿಗದ ಪ್ರೇಮವಿದ್ದರೆ
ಇರಿಯುವ ದುಃಖವೂ ಹಿತವಾದ ನೋವು
ಎರಡೇ ಎರಡು ಪೆಗ್ಗು ಒಳಗೆ ಬಿದ್ದರೆ


(ಈ ಕುಡುಕನ ಪದಗಳನ್ನು ಮೆಚ್ಚಿ ಬರೆದ 'ಅವಧಿ' ಬ್ಲಾಗ್‌ಗೆ ಕೃತಜ್ಞತೆ)

6 comments:

G N Mohan said...

bareyuvudaare apara
innu mundhe idanne bareyali
emma manadangalakkoo
ondu bar tarali…

G N Mohan said...

'bar bar' idanne bare
bar sigadiddarenante?
'bear'nalle ide sudhe...

G N Mohan said...

kelu 'hani' mitra apara
'hani'gavanakke nee kotta artha
apara
kavyalokakke sannadenu ninna koduge?
hanigavana odida nantara ellaroo tapputtare hejje..

ಸುಧನ್ವಾ said...

ಕುಡ್‌ದ್ರೆ ಮದ್ಯ, ಯಾರ್ ಬರಿಯಲ್ಲ ಪದ್ಯ?
ನಡೀತಿರ್‍ಲಿ ಈ ಪದ್ಯ-ಗದ್ಯ,ಮಧ್ಯ ಮದ್ಯ!

malathishenoy@yahoo.co.in said...

ಮಧ್ಯದಿಂದ ಶುರುಮಾಡಿದೆ ಮದ್ಯಸಾರ ಓದಲು. ಈಗ ಮಧ್ಯ ಮಧ್ಯ ಭೇಟಿ ಕೊಡಲೇಬೇಕಾಗಿದೆ. ಯಾಕೆಂದರೆ ನಾನೀಗ ಮಧ್ಯ 'ಮದ್ಯವ್ಯಸನಿ'

ಮಧ್ಯಸಾರ- ಆರು ....wow ಅಪಾರವಾದ ಕಾರ ಬಾರು
:-)
malathi S

ನಾವಡ said...

ಮಾರಾಯಾ, ರಘು
ಮದ್ಯ ಕುಡೀದೇ ಹೀಗ್ ಬರೀತೀಯಲ್ಲ. ಪರವಾಗಿಲ್ಲ. "ಮದ್ಯ ಸಾರ’ ಹೀಗೆ ಸುರೀತಿರ್ಲಿ.
ನಾವಡ

~~~~~~ಮೀ ನ ಹೆ ಜ್ಜೆ